SØK

Go Backnnkm-20160607-aage_gaup_i_atelieret_foto-antti_j._leinonen

Mii sávvat lihkku Aage Gaup:ii John Savio-bálkkašumiin 2019!

Mii sávvat lihkku Aage Gaup:ii John Savio-bálkkašumiin 2019!

Sámi dáiddáris Aage Gaup:as lea mearkkalaš ja máŋggabealát dáiddárvuohta, maid leat erenoamážit mearkkašan su muorrabácciid hábmema bargguin. Son lea hábmen monumentalaš čiŋahemiid visttiide nugo Bododdjo girdihápmanis, Finmmárkku Fylkkagieldda visttis, Čáhcesullo ja Guovdageainnu kulturviesuin. Aage Gaup lea maid bargan filbma ja teáhtera scenografiijain, ja lei ge okta sis geat vuođđudedje dáidda- ja aktivista Máze-joavkku. 

 

Bálkkašanjurya čállán ná: «Iežas nana giehtaduoji máhtolašvuođain ja ávnnasteami áddejumiin lea son čohkken persovnnalaš, politihkalaš ja poehtalaš osiid ollislaš govvan bácciid, govaid, installašuvnnaid ja scenografiija bokte. Dego movttiidahttin John Savio-bálkkašumi 2019 juohkimii háliida jury:a erenoamážit geassit ovdan Aage Gaupa ođđaseamos čájáhus  Dološ giella – ođđa hápmi ja báhtareaddjit/Gammelt språk – ny form og flyktninger i Sámi Dáiddaguovddáš/Samisk senter for samtidskunst, Kárášjogas čakčat 2018is.

Bálkkašandilálašvuohta dáhpáhuvvá Nordnorsk Kunstmuseum i Tromsø (Davvinorgga Dáiddamuseas Romssas) duorastaga čakčamánu 19. beaivvi.

 

John Savio-bálkkašupmi juhkkojuvvo dáiddáriidda geain lea sámi duogáš ja identitehta, ja geat leat erenoamážit mearkkašuvvon dáiddasuorggis Norggas, juogo sin dálááiggi prošeavttaid geažil dahje ollislaččat iežaset dáiddárvuođa geažil. Bálkkašupmi lea 150 000 norgga ruvnnu ja guoddá dan vuosttas sámi govvadáiddára John Savio nama (1902-1938).
(govvidan: Antti J. Leinonen) nnkm-20160607-aage_gaup_i_atelieret_foto-antti_j._leinonen