SØK

Go BackJohn Savio- Reinkalver II

John Savio-prisen fra BKH

John Savio-bálkkašupmi 2015

John Savio-bálkkašupmi 150 000 kr geigejuvvo vuosttaš geardde jagis 2015.

Bálkkašupmi galgá addot dáiddárii guđes lea sámi duogáš ja identitehta, guhte lea erenoamáš mearkkašumi ožžon dáiddasuorggis Norggas, juogo prošeavttaid bokte mat leat fuomášahtton ođđasat áiggis dahje ollislaš dáiddarvuođainis. Nationalitehta, ássanbáiki ja organisašungullevašvuohta ii mearkkaš maidege, muhto dáiddáris guhte bálkkašumi váldá vuostá, galgá váldoáššálaččat leat dahje leat leamaš iežas doaibma Norggas. Bálkkašumi sáhttá geiget soapmásiige guhte lea erenoamáš mearkkašahtti árjjain ovddidan dáidaga mii lea vuolggahuvvon sámi kultuvrras Norggas.

Bálkkašumi geigen galgá leat Nordnorsk kunstmuseumas. Bálkkašumi vuoiti dáiddalašvuođa/barggu geahččalat maiddái almmolaččat čájehit heivvolaš vuogi mielde čuovvovaš jagi, Nordnorsk kunstmuseuma olis.

Buohkat guđet dan háliidit, sáhttet ovddidit bálkkašupmái evttohasa. Juryge sáhttá ovddidit iežas evttohasaid. Buot evttohusat fertejit vuođuštuvvot.

 

Evttohusat sáddejuvvojit deike:

Bildende Kunstnernes Hjelpefond

Kjeld Stubs gate 3

0160 Oslo  

johnsavioprisen@kunstfond.no

 

John Savio-bálkkašumi lea Bildende Kunstneres Hjelpefond ásahan ovttas SDS:in ja Nordnosk kunstmuseumain. Jurys leat mielde Hanne Grieg Hermansen (Sámi Dáiddačehpiid Searvi), Kristin Tårnesvik (Sámi Dáiddačehpiid Searvi) ja Charis Gullickson (Nordnorsk kunstmuseum).

Áigemearri sáddet evttohasaid: Cuoŋománu 10.b.

 

BKH

SDS logoliten

Logo_NNKM_banner1

 

 

Ulbmil

John Savio-bálkkašumi ulbmilin lea oažžut fuomášumi dáidagii mii lea vuolggahuvvon sámi kultuvrras, bálkkašumi vuoiti dáiddalašvuođa/barggu vuođul.

Juolludaneavttut

Bálkkašumi sáhttá geiget juogo

  • dáiddárii guđes lea sámi duogáš ja identitehta, guhte lea erenoamáš mearkkašumi ožžon dáiddasuorggis Norggas, juogo prošeavttaid bokte mat leat fuomášahtton ođđasat áiggis dahje ollislaš dáiddarvuođainis, dahje
  • soapmásii guhte lea erenoamáš mearkkašahtti árjjain ovddidan dáidaga mii lea vuolggahuvvon sámi kultuvrras Norggas.

Dáiddáris, guhte bálkkašumi váldá vuostá galgá váldoáššálaččat leat dahje leat leamaš iežas doaibma Norggas (vrd. Kunstavgiftsloven § 2, 2 lađas, BKH ruđa atnima birra.) “Dáiddárin” lohkko son guhte ámmátlaččat ja fidnolaččat buvttada dahje lea buvttadan dákkár bargguid mat leat divatgeatnegasat dáiddadivatlága mielde (vrd. BKH njuolggadusaid 8. čuo.). Dat seamma olmmoš ii sáhte bálkkašumi váldit vuostá go oktii.

Bálkkašumi mearkkašupmi

John Savio-bálkkašupmi geigejuvvo juohke nuppi jagi ja das lea ruhtasubmi maid BKH stivra mearrida. Bálkkašumi vuoiti dáiddalašvuohta/bargu sámi dáidaga ovddideamis geahččaluvvo maiddái čájehuvvot almmolaččat heivvolaš vuogi mielde čuovvovaš jagi, Nordnorsk museuma olis ovttas SDS:in ja BKH:in. Bálkkašumi geigen geavvá almmolaš meanuin Nordnorsk kunstmuseuma olis.

Evttohanvuoigatvuohta, mearrádusevttoheapmi ja mearrideapmi

Bálkkašumi mearrádussii evttoha jury mas leat SDS nammadan 2 áirasa ja Nordnorsk kunstmuseuma nammadan 1 áirasa. Jury ovddasteaddjit galget leat nammaduvvon maŋimustá juolludanjagi ođđajagemánu 31. b. Jury bargu lea dárkilat čilgejuvvon sierra bargobagadeamis. Áigemearri sáddet evttohusaid bálkkašumi vuoitiide lea juolludanjagi njukčamánu 31. b. FUOM: Jagis 2015 lea sáddenáigi guhkiduvvon cuoŋománu 10. b. Buohkat guđet dan háliidit sáhttet evttohasaid ovddidit dán bálkkašupmái. SDS almmuha miellahtuidasas bálkkašumi birra dieđuid, juolludaneavttuid ja evttohanáigemeari maŋimustá 4 vahku ovdal áigemeari. NNKM ja BKH almmuhit vástideaddji dieđuid sin fierpmádahkii.

Bálkkašumi vuoitievttohus galgá sáddejuvvot guoski servviide, mat čohkkejit ja sáddejit boahtán evttohusaid juryi guovtti vahku siste maŋŋil áigemeari. Jurylahtut sáhttet maiddái váldit vuostá , ja ovddidit iežaset evttohusaid.

Jury evttoha vuoruid uhcimustá guokte evttohasa. Mearrádusevttohus galgá leat vuođuštuvvon gustojeaddji juolludaneavttuid čujuhusain. Evttohančoahkkima vuolláičállon beavdegirji oktan dievas evttohusaid ja evttoheaddjiid listtain, sáddejuvvo BKH:i juolludanjagis ovdal miessemánu loahpa. Loahpalaš mearrádusa dahká BKH stivra juolludanjagi ovdal geassemánu loahpa.

Bálkkašumi submi

Bálkkašumi sturrodaga mearrida BKH stivra. Bálkkašumi submi mákso ollásit ja ovdavearu geasekeahttá bálkkašumi geigema oktavuođas. Bálkkašumi submi dieđihuvvo vearroeiseválddiide geasuskeahtes stipeandan.

 

portrett_saviostor

John_Savio_signatur